The Novelist е видео игра која ќе се обиде да ве натера да ги заборавите оружјето, крвавите сцени и насилството, и наместо тоа ќе ве натера да размислувате за работите кои се важни во животот. Автор на играта е Кент Хадсон, познат по своите остварувања BioShock 2 и Deus Ex: Invisible War. Иако без сомневање блокбастери, сепак познатиот дизајнер не беше креативно исполнет од работата на овие наслови, па пред две години го напушти студиото и започна со инди насловот.
[youtube]_m7rmb3QrN8[/youtube]
„Играта нема победа или пораз, ја играте и ја добивате приказната и мојата надеж дека во било кој од деветте начини на кои може да заврши играта, си ги поставувате истите егзистенцијални прашања, дека почнувате да го осознавате сопствените вредности…“, вели креаторот на играта во интервју за Kotaku.
Ако сте заинтересирани веќе може да ја нарачате играта која е во претпродажба. Таа чини 15 долари, а по се изгледа дека во Македонија играта ќе биде достапна по издавањето и тоа единствено преку Steam. The Novelist ќе биде достапна пред крајот на летото.
[youtube]_l9X0C7lRdc[/youtube]
