Следниот автомобил на Tesla Motors ќе биде спортски фамилијарен автомобил, достапен за сите и поевтин за половина од Tesla Roadster, кој чини 89.000 долари, објави на блог основачот на компанијата Илон Маск. Сепак производството на спортски автомобили е далеку од единствена цел на Tesla Motors, всушност спортските автомобили се начин како да се постигне целта, која е широк избор на возила во најразлични класа и намалување на емисијата на јаглерод диоксид. Компанијата започна со спортскиот Tesla Roadster бидејќи еден од начините за популаризација на електричните возила е да се докаже дека тие можат да се натпреваруваат со најдобрите автомобили на бензин како Porsche или Ferrari.
„Речиси секоја нова технологија на почетокот, пред да биде оптимизирана, е скапа, ова е вистина и за електричните возила. Стратегијата на Tesla е да врезе на пазарот со ексклузивни возила, каде корисниците се подготвени да платат премиум, а потоа да се спушти цената со поголем број на возила и пониска цена со секое следно возило“, објасни Илон Маск.
Најавеното возило ќе чини околу 45.000 долари, но Tesla Motors веќе работи и на моделот кој ќе биде поевтин. Заработката од автомобилите се праќа во развојниот тим кој треба да ги направи следните возила уште подостапни до купувачите. Всушност со секој купен автомобил корисниците инвестираат во креација на поевтин модел кој ќе биде подостапен за сите.
[youtube]fkm00ZffzNM[/youtube]
Накратко планот на Илон Маск за Tesla Motors е:
- Креирање на спортски автомобили
- Користање на заработените средства од овие автомобили да се креира подостапен автомобил
- Користење на овие средства да се креира уште поевтин автомобил
- Правејќи го ова компанијата креира автомобили без издувни гасови
[youtube]TQ6tZtGrShg[/youtube]
