Екстремистите на ISIS креираа промотивно видео базирано на видеоигра со која се надеваат дека ќе успеат да соберат нови регрути за „џихадот“ во Ирак и Сирија, јави британскиот Telegraph. Станува збор за видео направено со мод на популарната Grand Theft Auto, во кое терористите на ISIS порачуваат дека „работите кои вие ги правите во игрите, ние ги правиме во вистинскиот живот“. На видеото се гледа како играчите пукаат одблиску во полицијата, пукаат со снајпер од заседа или напаѓаат американски конвој.
Модот за GTA е направен за кревање на моралот на екстремистите и за тренинг на најмладите регрути, но и да ги преплашат противниците на Исламска држава, вели Polygon. Иaко не е потврдено дека станува збор за Grand Theft Auto, без сомневање љубителите на серијалот ќе ја препознаат играта, а графиката и анимациите неодоливо потсетуваат на GTA: San Andreas.
[youtube]QhbX0Kt9s_I[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
