Норвешката телекомуникациска компанија Telenor и Wikipedia склучија партнерство со кое операторот ќе овозможи бесплатен пристап до онлајн енциклопедијата во Азија и Јужноисточна Европа. Околу 135 милиони корисници ќе можат бесплатно да ја отвараат Wikipedia преку мобилните уреди. Oнлајн енциклопедијата претходно оствари слично партнерство и со друг мобилен оператор Orange за да обезбеди бeсплатен пристап до знаењео на 70 милиони корисници во Средниот Исток и Африка.
„Wikimedia Foundation работи да ги тргне бариерите на бесплатно знаење, и за повеќето луѓе ширум светот сега цената и пристапноста се најголемите пречки.“, вели одговорниот за глобален развој на Wikimedia, Бери Њустед.
Три годишното партнерство меѓу Wikipedia и Telenor, кое ќе започне во вториот квартал од 2012 година, ќе ги вклучи корисниците во пет азиски земји: Тајланд, Малезија, Пакистан, Бангладеш, Индија и две балкански: Црна Гора и Србија.
Корисниците на Telenor ќе можат бесплатно да пристапат до Wikipedia колку пати сакаат во одреден период, се додека остануваат на страните на онлајн енциклопедијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
