За да сфатите како работи нашата технологија мора да ја видите на дело, велат истражувачите Мат Милс и Тамара Роукартс од стартапот Aurasma. Тие на TED конференцијата ја претставија својата бесплатна апликација за Android и iPhone која е опишана како „прв визуелен прелистувач во светот“.
Стартапот развива технологија која го „анимира светот“, односно ви овозможува преку камерите на мобилните телефони да влезете во светот на проширената реалност кој е преполн со информации. Употребите на технологијата се бескрајни, од реклами на слики, до читање на нови информации во стари весници или претставување на туторијали на уред кој сте го купиле. Всушност, со апликацијата може да се креира и споделува виртуелна содржина едноставно како снимање на видео или додавање на слика.
