Microsoft потврди дека Surface ќе пристигне истовремено со Windows 8 на 26 октомври, јавува CNET врз основа на SEC документи кои ги поднела компанијата. Ова важи само за ARM таблет компјутерите кои ќе бидат со Windows RT оперативен систем.
Во документите стои: „Следната верзија на оперативниот систем Windows 8, ќе биде достапна на 26 октомври 2012. Во исто време ќе го продаваме и Windows Surface, серија на уреди дизајнирани и произведени од Microsoft“.
За таблет компјутерите со х86 Ivy Bridge процесори и Windows 8 Pro оперативен систем, корисниците ќе треба да издржат дополнителни 3 месеци.
Цената на Microsoft Surface сè уште е тајна, иако според наговестувањата цената ќе биде конкурентна со останатите таблет компјутери со сличен квалитет.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
