jOBS е забавен филм, глумата е навистина добра, но за жал филмот е фикција, вели ко-основачот на Apple, Стив Возниак. Но, Ештон Кучер, актерот кој го глуми Стив Џобс, не му остана должен и го обвини г. Вознијак дека дава ваква остра критика поради тоа што соработува како консултант на верзијата за животот на Џобс од Арон Соркин.
Покрај оценката за добрата глума г. Вознијак смета дека најголем дел од проблемите во филмот доаѓаат токму од Ештон Кутчер, кој има потполно погрешна претстава за Стив Џобс. Ко-основачот Вознијак откри тајна која ја криел од почетокот на Apple, објаснувајќи дека „кога Apple одлучи да не ги награди пријателите кои помогнаа на почетокот, јас го поделив мојот дел од акциите со нив. Ова овозможи уштем 80 вработени да земат дел од акциите пред тие да излезат на берза, со ова тие добија дел од богатството“.
Што се однесува до успехот на филмот, ниту критичарите не се премногу наклонети кон филмската адаптација на животот на Стив Џобс. На филмот можете да гледате како продолжение на позната реклама за Apple, „Salute the misfits“, вели USA Today. Сепак за конечен впечаток ќе мора да причекаме филмот да пристигне на репертоарот на некое од кината во Македонија.
Успехот на филмот се разбира најмногу ќе зависи од посетеноста во кино салите, а доколку сте подзаборавиле колку фанатични се фановите на Apple и г. Џобс, на Indiegogo започна кампања за изработка на статуа на Стив Џобс која по својата големина ќе ја надмине Статуата на слободата.
[youtube]FrvkCS0ZGPUp[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Зошто во последно време, од пред два три дена, мојата почетна страна, http://homepage.mk/, не излегува во истиот формат и изглед како претходно? Дали е проблемот во поставките или е технички проблем од страна на Google?