Покојниот Стив Џобс бил инволвиран во редизајнирањето на iPhone кој, како што дознавме пред некој ден, ќе има поголем екран од 4 инчи, наместо 3,5 инчниот каков што имаат сите досегашни модели.
Според Bloomberg, култниот директор на Apple работел на новиот изглед на телефонот пред неговата смрт во октомври. Интересно, во 2010-та година г. Џобс ги критикуваше телефоните со големите екрани велејќи дека никој нема да купи „голем телефон“. Но, денес работите се драстично сменети и корисниците посакуваат уред кој ќе им понуди беспрекорно сурфање и читање преку мобилен уред.
Промена на дизајнот на iPhone ќе биде првата поголема промена по претставувањето на iPhone 4 во 2010-та година. Целта е новиот iPhone да биде поконкурентен на пазарот кој во моментов е опседнат со уредите на Samsung кои имаат поголеми екрани од 4 инчи (10cm).
Новиот iPhone може да се очекува во октомври, предвидуваат аналитичарите за Bloomberg.
