Европските стартапи не треба да се угледуваат, ниту да се оптоваруваат со Силициумската долина, вели Каигам Габриел, поранешен директор во Google и DARPA, за Tech.eu. „Стартапите не смеат да размислуваат за ризикот на регионот, за достапноста на капитал, има многу други фактори кои влијаат на успехот на компаниите“, вели тој.
Тој вели дека капиталот можеби е подостапен во Калифорнија, Тексас и Невада, но никогаш нема доволно капитал. Парите не се најважната работа која треба да ги мотивира основачите. Прашањата како периодот во кој се појавува производот или услугата, дали пазарот е подготвен и потенцијалните корисници, се барем со подеднаква важност за успехот на стартапите.
„Пред 30 години стартапите кој доаѓаа од Силициумската долина беа најдобри од целиот свет, креираа нови можности и производи… Може да креирате апликација која овозможува да пронајдете бебиситерка за кучиња или било што, но дали навистина со тоа ќе го подобрите светот?“
Сепак без разлика на моделот и креирањето на нов производ, без разлика колку е добра технологијата, колку добар производ нудите, доколку луѓето не сааат да платат за него, тогаш ќе пропаднете како бизнис, додава г. Габриел во своето интервју за Tech.eu.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
