Stack Overflow: „Програмерите кои користат „Space“ за вовлекување заработуваат повеќе“

во Софтвер

Дејвид Робинсон на Stack Overflow сподели чуден податок. Програмерите кои користат Space за вовлекување на кодот, заработуваат повеќе од оние кои користат Таb. Ако ова е изненадување за вас и не ви се верува, не сте осамени, најголем дел од коментарите го отфрлаат овој податок.

Анализата е направена врз основа на анкета на 28.657 корисници. Резултатите се повторуваат и кај програмерите кои работат во мали и големи компании и кај програмери со исто искуство и стаж, тврди г. Робинсон.

“На прашањето „Tab“ или „Space“ одговорија 28.657 испитаници кои за себе велат дека се професионални програмери. Во оваа група 40.7% користат „Tab“, а 41.8% користат „Space“. Двете ги користат 17.5% од испитаниците. Од сите испитаници кои одговориле на ова прашање, 12.426 одговориле и на прашањето за висината на платата.

Анализата на податоците покажува дека програмерите кои користат „Space“ за вовлекување заработуваат повеќе пари  дури и кога имаат исто искуство.“

Тешко е да се поверува дека користењето на Tab има било каква врска со висината на платата. Сепак во споделените податоци има и графикони во кои можете да ја видите заработката по држави, а оваа статистика е и поинтересна, а изгледа и поточна.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk
за целосна понуда на продукти, на market.it.mk