Shadow Copies се бекап копиите со вашите податоци кои ги создава Windows за да може лесно да ги врати доколку настане некој проблем. Ако нешто сака ransomware тоа се овие копии затоа што во моментот кога ќе се вдоми во вашиот систем една од првите директиви на ransomware-от е да ги пронајде овие shadow копии, да ги избрише, а потоа да ги шифрира содржините од вашиот хард диск. На тој начин, нема да можете да си ги повратите фајловите без да платите (немојте никако да плаќате!).
ShadowGuard е апликација која детектира кога некој malware ќе проба да ги избрише shadow копиите, инстантно ја спречува командата и ги уништува сите наредни кои се издадени од апликацијата. Преку алатката, можете и да ставите програми на белата листа, нешто што е потребно за бекап алатките.
ShadowGuard е осмислен првенствено да функционира за Windows 10 оперативниот систем, но работи сосема во ред и на постари верзии, како Windows 8, Windows 7, Vista, па дури и Windows XP.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
