Со месеци се претпоставуваше и алудираше на римастер за Mass Effect игрите. Рака на срце, фановите ќе беа пресреќни да се беше најавил римастер само на првата игра, но од Bioware го резервираа 7 ноември (N7) за да најават римастер на целата трилогија, заедно со сите DLC додатоци кои излегоа за двојката и тројката.
Mass Effect Legendary Edition ќе се одликува со целосна поддршка за 4К резолуција, повисоки FPS, како и бројни графички разубавувања на текстурите и ефектите. Се очекува римастерот на излезе на пролет и тоа првенствено за PC, PS4 и Xbox One, како и прилагодени верзии кои ќе функционираа и на новите конзоли на Sony и Microsoft.
Како што напоменавме, ова не е единствената вест која беше официјализирана викендов. Имено, Bioware веќе работат на нова игра во Mass Effect универзумот. Играта е во рана фаза на развој и студиото сеуште не е спремно да сподели детални информации. Со оглед на тоа колку лошо помина лансирањето на Mass Effect Andromeda, искрено се надеваме дека Bioware научиле многу од целокупното ускуство и дека нема да ги повторат истите грешки.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
