Креаторите на South Park, Треј Паркер и Мет Стоун се решија да ги оживеат ликовите на Ерик, Стен, Кајл и Кени на малку поинаков начин отколку што сме навикнати. Треј и Мет во соработка со THQ и Obsidian ја најавија South Park RPG. Оbsidian се познати по дизајнирање на продолженија на издадени видео игри Neverwinter Nights 2, Fallout New Vegas, Dungeon Siedge III и други. Играта е најавена како RPG (role-playing game), а карактер кој ќе се игра ќе ја земе улогата на ново дете кое пристигнува во училиштето во Колорадо.
Според најавите ќе имате избор помеѓу волшебник, паладин, авантурист, крадец и уште една сé уште необјавена класа. Играта барем за сега е замислена како 2D RPG. Дополнителен оптимизам внесува и најавата дека креаторите на South Park, ќе ја направат целата приказна во играта како и оживувањето на гласовите на карактерите од серијата. Интересен е и податокот дека и покрај тоа што серијата трае веќе 15 години ова ќе биде првпат да се направи мапа на градот. Интересот на креаторите на South Park за видео игри е прикажан и во нивните серии, а најверојатно најпрепознатлив е во епизодата Make Love not Warcraft.
Играта е најавена за втората половина на 2012 година. a листата на веќе објавени детали за играта можете да ја разгледате тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
