Покрај новостите за Android 4.1 Jelly Bean, Google+, Nexus 7 и фасцинантното демо на Project Glass, на Google I/O конференцијата беше претставена и новата YouTube апликација за Android која ни доаѓа со нов дизајн, подобрен UI (кориснички интерфејс) и неколку новости.
Новиот кориснички интерфејс е инспириран од Google+ и новата Google Now апликација. Со новата апликација ќе може корисниците да се претплатуваат на канали, да гледаат офлајн видеа или пак да стримате без интернет пристап.
Видеата кои YouTube апликацијата ќе ги преземе се тие кои таа мисли дека би сакале да ги гледате, но само кога сте поврзани на Wi-Fi и вашиот телефон е приклучен на компјутер или во штекер. Тоа ќе го одредува според вашите претходни видео прегледи, како и според каналите на кои сте претплатени. Ваквото „рандом“ презимање на видеа баш и не е од корист, но секако ќе можете да ја оневозможите оваа опција или да изберете да ги презима видеата кои ви се додадени во „Watch it later“ листата.
За да можете да уживате во новата YouTube апликација ќе морате да имате Android 4.0 (Ice Cream Sandwitch) или понова, и Android 3.2 (Honeycomb) или понова верзија доколку имате таблет компјутер. Најавена е и верзија за iOS, но нема детали кога ќе излезе.
Апликацијата е веќе достапна на Google Play.
