Споделувањето на видео е следнoто нешто, најави директорот на Instagram, Кевин Систром, на TechCrunch Disrupt во Пекинг, додавајќи дека „сакаме да одиме на нешто повеќе од само филтрирање на фотографии“.
Instagram е популарна iPhone апликација за едитирање на фотографии и нивно споделување. Апликацијата има над 12 милиони активни корисници.
Според г. Систром, визијата на Instagram е да „дозволи да си ја раскажате приказната на вашиот живот“ и затоа следната цел е и видео споделување. Но тој не најави кога точно апликацијата ќе добие видео споделување.
„Видеото има смисла. Би кажал дека е многу интересна област. Навистина би сакале да одиме на нешто повеќе од само филтрирање фотографии. Нашата работа и визија е да ви дозволиме да ја раскажете приказната на вашиот живот, и ние ќе ги направиме сите алатки кои би ви биле потребни за споделување на видео. Не сум сигурен дали тоа вклучува филтри или не, но дефинитивно ќе размислиме за тоа.“, вели дирекорот на Instagram, Систром.
Instagram може да го симнете од iTunes.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
