Доколку поминувате многу време на YouTube, тогаш сигурно ви пречат сите реклами и коментари кои постојано ви го отргнуваат вниманието од видеото. Ектензијата Clea.Nr овозможува да ги сокриете сите овие непотребни и иритирачки работи. Освен за YouTube, оваа екстензија фунционира и за Amazon.
Clea.Nr е екстензија за Firefox, Chrome, и Safari, давајќи одличен минимален интерфејс во кој се се вклучени само главните содржини. Оваа минималност овозможува далеку поедноставно користење на YouTube и Amazon. Благодарение на Clea.Nr страничната лента, коментарите, рејтинзите, копчињата за споделување и „лајкање“ се тргаат од YouTube, и останува само видеото и лентата за пребарување. Линк под видеото овозможува да се поврати скриената содржина. Clea.Nr исто функционира и на Amazon, каде доколку се употреби се добива само бела позадина на која се наоѓаат менито за категории и лентата за пребарување.
Оваа екстензија е одлична за оние кои лесно се деконцентрираат, и е добро дополнување на веќе постоечките екстензии како Adblock Plus и Flashblock кои кријат непотребни реклами од веб сајтови. Во прилог можете да погледнете како функционира Clea.Nr. Иако во видеото е прикажано како функционира на Safari, истиот принцип важи и за другите веб прелистувачи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
