Снимајте холивудски филмови во Македонија со кул iOS апликации со проширена реалност

Ако сте купиле паметен телефон во последните две години треба да знаете дека во вашиот џеб се наоѓа процесорската моќ на суперкомпјутерите од пред 20 години кои тогаш зафаќаа цела соба.

Благодарение на таа моќ се отвара потенцијал за апликации со проширена, аугментирана реалност кои изменуваат се што гледате низ камерата на мобилниот уред. Тие можат да прикажуваат локациски информации за градот, преведуваат на англиски и буквално ги лепат преводите врз тоа што се преведува. Некои апликации овозможуваат играње на игри во просторот каде што се наоѓате.

Eдна таква апликација која беше објавена неодамна е Action Movies FX. Апликација за iOS нуди два бесплатни и засега уште два ефекти што можете да ги купите во самата апликација. Во соработка со новиот Mission Impossible 4 филм кој несомнено содржи слични сцени какви што нудат овие ефекти, Action Movies FX на пример ви овозможува за неколку минути да снимите како вашето омилено поштенско сандаче се разнесува на парчиња во огромна експлозија од ракети. Потоа видеото можете да го споделите на Facebook и да тврдите дека некој извршил атентат врз вашата пошта или автомобил. Еве како изгледа апликацијата:

[youtube]bu-1sMAW8CY[/youtube]

[youtube]TuD4yDf04hs[/youtube]