Словенскиот блог Orange.and.Nuts објави инфографик изработен од Југослав Петковиќ за стартап сцената во Словенија, на која од 2008-ма година се појавија 86 стартапи во кои е инвестирано околу 40 милиони долари.
„Целиот екосистем е отфрлен како маргинален, но кога ќе се погледне одблиску, бројот на стартапи, нивни членови и инвестиции се нешто што вреди да се забележи.“, пишува Orange.and.Nuts.
Сите 86 стартапи вкупно вработуваат 800 луѓе, постојат три инвестициски фондови и неколку ангел инвеститори, а пари даваат и властите. Државата дава до 72.000 евра грантови за стартапите. Вкупно во последните четири години инвестициите достигнаа до 40 милиони долари. Meѓу најпознатите стартапи се Zemanta, Oust.me и Vox.io, кој станува конкурент на Skype.
Сега би требало да следи краен параграф во кој би ја споредил стартап сцената во Словенија и Македонија. Но, не знам дали е фер да споредам, како што вели Orange.and.Nuts, „маргиналнa“ сцена од 86 стартапи со македонската сцена на која SportyPal е можеби единствениот стартап со финансиска моќ. Тука се и Invoicebus, GiveBrand.to, Аmbio.me кој е прв македонски SeedCamp финалист, но сè уште е во алфа, студијата за мобилни апликации CodeWell и WebFactory, и секако тука е и ПСМ Инкубатор кој охрабрува и помага да се стартуваат идеи, но, на сите овие стартапи им фали финансиска поддршка за да креираат и претстават сериозен и конкурентен продукт.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
