Дали сте голем фан на производите на Apple и си се имате подновено и со iPhone, и iPad, и Apple Watch, па дури и Mac? Многу направи, многу батерии и често не знаете која направа до кој степен е наполнета.
Во случај да сакате да имате целосен увид за тоа колку ви се наполнети батериите во направите, би можеле да ја пробате Battery – Battery Widget. Се работи за апликација која следи колку ви се батериите полни така што ја синхронизира нивната состојба преку iCloud.
По вклучување на апликацијата, ги поврзувате сите ваши направи, како iPhone, iPad, Apple Watch и Mac и го започнувате следењето на нивните состојби. Може да наместите штом некоја направа дојде под одреден процент, да добиете инстантно известување на сите ваши направи, како и да ја следите состојбата на батериите на вашите пријатели и семејство.
На прв поглед, Battery – Battery Widget се чини како непотребна апликација. Но, на две групи корисници, знае да биде исклучително корисна. Од една страна, бизнис корисниците знаат колку е важно нивните направи да се полни, особено пред важен состанок или патување. За оваа таргет група, апликацијата помага корисниците подобро да се справат со нивната расејаност и да се погрижат направите да им се наполнети.
Од друга страна, пак, постарите корисници, особено оние што лесно забораваат да си ги полнат телефоните, можат непотребно да ги загрижат останатите членови на семејството кои не живеат со нив. Со Battery – Battery Widget, можете да ја следите состојбата на нивната батерија и благовремено да ги потсетите или да средите телефонот да им се наполни.
Battery – Battery Widget чини 300 денари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
