Скоро 70 отсто од интернет корисниците ширум светот немаат никаков проблем со пиратеријата. Oколу 22 отсто од сиот глобален интернет сообраќај се користи на пиратска содржина. Шеесет и седум отсто од сите пиратски сајтови се хостирани во Северна Америка и Западна Европа, каде што се и најголемите студија. Неверојатни 98,8 отсто од пренесените податоци преку P2P мрежите е пиратска содржина… ова е неверојатната статистика објавена во инфографикот на WindowsObserver.
Интересно, порнографијата која ја има во изобилие бесплатно на интернет е всушност и најпиратирана, со 35,8 отсто. Филмовите и телевизиските серии се втори со 35,2 отсто, односно 14,5 отсто. Музиката е дури шеста на листата со само 2,9 отсто од вкупната пиратирана содржина, зад видео игрите и софтверот. Се чини дека проблемот со пиратирање музика е решен со претставување на музички веб сервиси како Spotify, Rdio, Last.fm и други.
Според поединечни наслови, Avatar е најпиратираниот филм, Lost е најпиратираната тв серија, Adobe Photoshop е најпопуларниот софтвер межу пиратите, а Call of Duty: Black Ops е најпопуларна игра. Меѓу музичарите напиратирана песна е Watch the Throne од Џеј-З и Канје Вест.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Gley 
Се сложувам со @ordanoskiv за фактите дека кај нас едноставно не постојат достапни содржини на ниту еден физички медиум. Јас со години сакав да ги имам Македонските народни приказни (оние со Ѓорѓи Колозов) и освен неколку снимки на VHS касета по комшии не можев да најдам DVD со нив. Верувајте да имаше каде да се купи цел серијал немаше да размислам, одма ќе го купев. Истото важи и за многу серии (The Big Bang Theory, The IT Crowd, Two and a half Men …). Но цената која би требало да ја платам за нив да ми ги донесат од Англија или Америка едноставно не одговара со стандардот во Македонија.
Изборот се сведува на тоа дали ќе бидеме легална затворена нација или пиратска информирана нација.
Секоја чест на дневните весници кои до пред скоро често нудеа филмови и музика за „нормални“ цени. Жално е тоа што голем дел од македонското богатсво едноставно не е достапно. Особено кога некој од странство ќе сака да погледне некој македонски филм или серија. Нив дури ни на пиратски начин не можеме да ги добиеме.
makedonija treba na prvo mesto da e za piraterija so skoro 100% od rabotite na kompjuterot se piraterija
Строго земено, симнување на, на пример, ТВ серии од интернет е пиратирање.
Но, дали е пиратирање ако нешто не можеш „нормално“ да го набавиш?
Малку филозофија:
Можеби би можеле да бидеме построги доколку ДВД-ата со тие серии ги има во продавниците во Македонија, но ако треба да ги купуваш од преку 7 гори и планини и светски океани, тогаш…
Слично се однесува и на странските, па и домашните, филмови, музиката (најголем дел од неа), а за е-книги и да не зборувам.
Исто така, 20 – 30$ за едно ДВД е сосема непропорционално со нашиот просечен стандард. Дури и да ги има во регуларна продажба (знам дека понешто има), тешко дека масовно ќе бидат купувани.
Од друга страна, веројатно најпиратираниот софтвер кај нас, MS Windows OS и MS Office, можат лесно да се набават кај нас. Нивното пиратирање е недозволиво…