Најголемата социјална мрежа се залага за искоренување на постовите кои се направени за да привлечат што е можно поголем број на посетители. Станува збор за текстови кај кои насловот нема премногу врска со текстот. Facebook неколку пати досега го менуваше алгоритамот, но барем засега без премногу успех.
„Наша цел е во News Feed да има повеќе релевантни приказни за корисниците – рангирањето на текстовите па она што е најважно за секој да се покажува највисоко во резултатите. Кога ги рангираме содржините и правиме промени во News Feed се фокусираме на неколку вредности…“, јави Facebook на својот блог.
Цел на новите промени во алгоритамот се насловите од типот: „Неверојатно“, „Нема да верувате што се случи“, „Шокантно и слични наслови кои се наменети токму да привлечат повеќе кликови. Facebook ветува дека наскоро фидот нема да биде преполн со вакви наслови.
Тимот нa Facebook анализираше десетици илјади наслови и текстови. Ако насловот е наведувачки отсега ќе биде намалена дистрибуцијата на овие текстови. Цел на првата промена на алогоритмот се наслови кои не споделуваат доволно податоци за корисникот да може да изведе точен заклучок, но и наслови кои претеруваат за да го измамат читателот, на пример „јаболките не се добри за вашето здравје“, но само ако јадете над 1.000 дневно. Но, што ќе се случи со македонските текстови или оние напишани на некој регионален јазик? Дали Facebook ќе може да ги препознае?
Најголем дел од корисниците денес до податоци и вести доаѓаат преку социјалните мрежи, па споделување на вести кои се порелевантни секако е подобро. Ова не е прв пат Facebook да се заложи за уништување на clickbait постовите, но барем досега немаше премногу успех, се надеваме дека новите промени во најголем дел ќе ги отстранат овие наслови.
Па вашиот наслов на оваа вест многу наликува на clickbait !
Првен ова воопшто не е СКАНДАЛ! како што е нагласено на почетокот. Или воопшто незнаете што е сканал или се трудете преку користење на зборот СКАНДАЛ да дојдете до повеќе кликови.
:)
Насловот е крајно саркастичен.