Тим од шведски гејмери ја освои најголемата награда што досега е доделена на гејминг турнир. Alliance го победи украинскиот тим и претходен шампион, Na’Vi, на Dota 2 турнирот во Сиетл. Tурнирот International 3 беше гледан од 1.700 гледачи во салата и над 1 милион гледачи на онлајн стримoви. Првото место им донесе на Alliance oколу 1,4 милиони долари, додека Na’vi доби 632.000 долари за второто место. За освоено трето место тимот од Малезија, Neolution Orange, доби награда од 280.000 долари.
Фондот на наградите оваа година изнесуваше околу 2,9 милиони долари. Valve донираше 1,6 милиони долари, додека останатите пари се соберени од фановите кои купуваа „compendium“-и за по 10 долари, од кои 2,5 долари одеа во наградниот фонд. (Фала до Александар Андевски за дообјаснувањето)
Оваа вест доаѓа само неколку недели откако американските власти ги препознаа играчите на Dota и сличната League of Legends како е-спортисти. Ова значи дека играчите ќе можат полесно да добиваат виза за да се натпреваруваат на интернационални турнири. Дени Shiphtur Ли е првиот е-спортист кој доби виза да работи и живее во САД. Ли ќе тренира со Riverside тимот за престојниот League of Legends турнир.
[youtube]-8HBr1EGX1I[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Furious Avocado 
Na`Vi не се лански шампиони, iG (invictus gaming) победија минатата година. Na`Vi победија на првиот The International пред 2 години.
Ти благодариме. Поправено.