Секоја година, 4.мај се одбележува како Star Wars ден, што поради преголемата сличност помеѓу фразите May the Forth и May the Force, а што поради желбата да се фокусира на интелектуалната сопственост која собра легии фанови низ минатите децении. Настанот обично се одбележува со настани во форма на бројни попусти и награди, а годинава нема да биде исклучок.
Попусти на Star Wars игри
Повеќето продавници организираа распродажби на бројни Star Wars игри. Почестете се со некоја од култните игри или преку Steam, или преку Humble Store или пак преку GOG. GOG оди еден чекор напред и ја продава и STAR WARS: Episode I Racer, игра која не можете да ја најдете на други места. Вреди да се спомене дека Origin ја продава STAR WARS Battlefront II со 60% попуст, а дава два месеци претплата за Star Wars The Old Republic, заедно со 1,050 Cartel Coins и други козметички добра за 20 евра, или 18 доколку сте претплатник на Origin Access програмата, нешто што знае да биде особена важност доколку ја земете следнава информација во предвид.
Бројни активности во Star Wars: The Old Republic!
Сите играчи кои ќе се најават во играта до 7.мај ќе добијат M4-Y7 Astromech Droid, односно мини следбеник кои има за цел само да трчка по вас и да прави симпатични звуци од кои се топите како чоколада на сонце. :)
Дроидот станува ваш на 9-10 мај. Во случај да сте претплатник и да уживате во премиум услугите на играта до 31.мај, тогаш ќе добиете F-4 Rampage Speeder – возило кое нити не импресионира со името нити со изгледот, но, подарок е подарок.
Она на што ние највеќе се радуваме е можноста за собирање двојно повеќе искуство и реквизиции од 3.мај до 11.мај. Неделава е одлична прилика за вас да пробате набрзинка да надградите одредени ликови или пак да собетете одличен плен.
May the Force be with you!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
