Конечно доаѓа крајот на годината, а со неа и вообичаените рекапитулации на платформите. Најголем дел од овие вести веќе се споделени, па може да видиме што, каде и кога, било најпопуларно на различни платформи.
Веројатно ниеден од листата на настани кои нè преокупираа годинава нема да ве изненади, а тоа што се повторуваат на сите друштвени мрежи и платформи само потврдува што нè преокупираше оваа година.
Најпопуларен пост со најмногу „upvote“ на Reddit е фотографија на Рик Естли, која ја сподели токму пејачот. Фотографијата е сликана во Лас Вегас на неговата прва турнеја во 1989. Г. Естли денес е најмногу познат како „аудио/видео меме“ со песната која се користи за „rickrolling“.
Вториот најпопуларен пост е смешна хронологија на менување на ставовите на YouTube корисник кој тврди дека земјата е плоча.
Третиот пост по „број на гласови“ е видео од патрола и напади на Националната гарда во Минеаполис.
Што се однесува до термините кои најчесто се употребуваат, очекувано на врвот на листата е Covid-19. Епидемијата е спомената над 50,2 милиони пати со што и очекувано е најчеста тема на разговор оваа година. Заедницата r/coronavirus е трета по активност, а огромен пораст има и на r/unemployment.
Вообичаено Google на крајот на секоја година споделува рекапитулација на годината преку еден Year In Search блог. Очекувано и тука коронавирусот, и последиците, беа дел од најчесто пребаруваните термини на Google.
Епидемијата ова година има огромно влијание на секојдневниот живот. Влијанието се чувствува секаде. За пример најчесто пребарувана рецепта оваа година е за леб со квас (sourdough). Месењето и готвењето леб ни беа едни од најпопуларните разоноди во период кога сите се обидуваа да бидат што е можно побезбедни.
Емотиконот со маска е најпопуларен емотикон оваа година, покажуваат трендовите на Google.
Покрај епидемијата настан која ја одбележи годината се претседателските избори во САД, а најпребарувана личност е следниот претседател на САД, г. Џон Бајден.
Според прегледот на најголемата друштвена мрежа настаните кои ја одбележаа годината се поделени во неколку групи: Икони; Социјално будење; Глобална политика; Заштита на околината…
Покрај епидемијата која не може да биде избегната никаде, Facebook нè потсети на несреќата во која животите ги загубија Коби и Џиџи Брајант. Популарниот кошаркар и неговата ќерка загинаа на почетокот на годината во хеликоптерска несреќа.
Без сомневање еден од настаните кои ја одбележаа годината се и масовните протести во САД предизвикани од убиството на Џорџ Флојд од страна на полицијата, и реактивирањето на „Black Lives Matter“.
Пандемијата го промени и начинот на кои луѓето ја „конзумираа“ содржината, па видеата на Live фидовите на Instagram и на Facebook се удвоија во Италија во периодот во кој сите можевме да ги проследиме преносите на „концерти“ од терасите.
Netflix
Ковид-19 пандемијата нè преокупира целата година. Ова се одрази и на куп онлајн сервиси. Начинот на кој пандемијата ни го промени животот имаше влијание и на инфраструктурата на интернет мрежата во Европа. Netflix, YouTube и Amazon на почетокот го намалија квалитетот на видео содржините за да не се преоптовари мрежата и да може да се заштити интернет неутралноста во Европа.
Што се однесува до сериите кои ги гледавме годинава. Најпопуларна документарна серија оваа година е Tiger King, a The Family Next Door е најпопуларен документарен филм годинава. The Queen’s Gambit, The Trial of the Chicago 7, Enola Holmes, Ratched, Ozark сезона 3 и втората сезона на The Umbrella Academy се најпопуларни содржини на Netflix оваа година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
