2021 година се покажа како година на впечатливи филмски остварувања, што е исклучително предизвикувачко со оглед на пандемијата која го зафати светот и протоколите кои стапија на место. Rotten Tomatoes си зема за право да ги извлече најдобрите филмови во 2021 година, според нивниот надалеку-познат Tomatometer и доколку барате нешто интересно да гледате, овие се највисоко рангираните филмови за 2021 година!
76 Days, документарец
Реален приказ за тоа како се справувале здраствените работници и пациенти во почетната борба против Covid-19 и како изгледал првиот карантин во Вухан, Кина.
Drive my Car, драма
На второ место, се наоѓа јапонска трогателна приказна за справување со огромна загуба и трнливиот пат кон само-прифаќање.
Quo Vadis, Aida?, војна драма
Босански филм за немилите случувања од 1995 година. Како ќе се справи една жена во Сребреница и дали ќе успее да спаси илјадници луѓе, без да ги ризикува животите на нејзиното семејство?
Slalom, драма
Шокантен француски филм за огромните аспирации на тинејџерката Лиз и предаторските желби на нејзиниот инструктор по скијање.
The Worst Person in the World, комедија, драма
Конечно наидовме и на една невообичаена норвешка комедија каде акцентот се става на потрагата по љубов и нејзиното вистинско значење. Преку откачени и несекојдневни ситуации, Џули ќе се потруди да се извлече од комплициран љубовен живот и да се пронајде себеси на работен план.
Luzzu, драма
Емоционално патување на малтешки рибар, доведен до исклучително тежок избор кој се заканува да го промени не само неговиот живот, туку и животот на неговото семејство. Дали да се испочитува традицијата и поштеното печалење или да започне неморална операција на црниот пазар?
Имате гледано некој од горните филмови? Кој е вашиот омилен? Кој би нѝ вие препорачале да гледаме? Кажете нѝ во коментарите!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
