Како да не е доволно што автономни возила сами ќе возат по улиците; Alpha Go го победи шампионот; Watson победи во Jeopardy; а сега тим од Швајцарија креираше робо-маса за фудбалче.
Масата е креирана од студенти на универзитетот во Лозана, кои продолжуваат со развојот. Рачките се поместуваат со линеарен електричен мотор, а друг мотор се користи за нивно завртување. „Мозокот“ на масичката започнува со камера која може да слика над 200 фотографии во секунда, а потоа ги препраќа овие податоци до процесорот. Компјутерот управува и издава команди на моторите и играта може да започне.
„Во овој момент системот е како билдер со минијатурен мозаик. Како додаток на силата, сакаме да овозможиме роботот да може да креира лажни движења, да ги избегнува фудбалерите и да ги предвиди движењата на топчето и позициите на соиграчот.“, вели Кристоф Салцман.
Следните подобрувања ќе бидат користење на ласер-сензори кои ќе можат да ги вчитаат позициите на рачките и да ги пратат до процесорот. Финалната верзија на машината ќе овозможи компјутерот да игра сам против себе, пренесува Motherboard.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
