Една од најпопуларните игри на Blizzard, популарната стратегија Starcraft благодарение на напорите на еден од фановите на играта е достапна за играње преку прелистувач, благодарение на HTML5. Креаторот на играта, познат како Ryuta го сподели кодот за играта нa Github. За сега верзијата е далеку од завршена и често заглавува или се однесува чудно, најчесто не како што планирате. Сепак играта функционира, а може да ја пробате овде.
За жал Blizzard е прилично ажурен кога се во прашање нивните авторски права, а во играта се употребени моделите и звуците од оригиналот, па најверојатно страната нема да биде достапна подолг период, но доколку побрзате ќе може да се потсетите на оваа навистина фантастична игра.
