Seavus 
Seavus акцелераторот, поддржан од страна на Фондот за иновации и технолошки развој, денес официјално го отвори повикот за сите иновативно технолошки ориентирани стартапи, повикувајќи ги да аплицираат за менторска и финансиска поддршка. Повикот е отворен со 5 јуни 2019 година.
По завршување на рокот за пријавување, ќе стартува првата фаза од акцелераторката програма која е замислена како 6+6 неделна активност со менторски сесии за најдобрите 15 компании кои ќе ќе бидат селектирани и прифатени во програмата. Повикот се однесува на технолошко ориентирани компании (Fintech, AI, Machine learning, Block chain, IOT, Gaming, E-commerce, Digital Media и сл.) кои развиваат иновативни решенија во повеќе области, и тоа: финансии, медицина, јавни сервиси, подобрување на животната околина, инфраструктура, компјутерски мрежи, интернет технологи, алатки за развивање на софтвер, сајбер безбедност и сл. Компаниите кои ќе аплицираат треба да имаат најмалку двајца ко-основачи.
„Акцелераторската програма ќе заврши со т.н. Демо ден – Ден за презентации на кој Комитетот за инвестиции ќе одлучи кому ќе додели средства во првата фаза. Иницијалната инвестиција изнесува до 32.000 евра по компанија и таа очекуваме да се случи најдоцна во период од 6 месеци после официјалниот старт на програмата. Позитивно оценетите компании од првата фаза може да добијат дополнителна инвестиција во износ до 100.000 евра“ изјавуваат од Акцелераторот.
Останатите информации поврзани со критериуми за аплицирање, како и апликациската форма можете да ги пронајдете на веб страницата на Сеавус Акцелератор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Upshift Engineering 
