SeaHeroQuest е видеоигра која додека ја играте им помагате на лекарите во дијаностицирање на деменција. Играњето на играта само 2 минути заменува 5 часа лабораториско испитување, вели креаторот на играта.
Sea Hero Quest е едноставна и бара од играчот додека плови со бротче да собира вредни артефакти, кои се највредните работи кои ги поседуваме, нашите сеќавања. Овие артефакти се собираат на различни места во светот.
Додека играчот игра, истражувачите прибираат податоци за навигационите способности, кои се прва жртва на деменцијата.
Целта е да се приберат податоци од стотици илјади играчи кои потоа ќе бидат анонимизирани и испратени до истражувачите. Врз база на овие податоци, научниците ќе се обидат да дознаат што е „нормално“ ниво на навигациски способности, и со помош на овој податок да креираат упатства за брзо дијагностицирање на болеста.
Sea Hero Quest е достапна на iOS и Android, а играјќи ја денес, можеби си помагате во староста.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
