Аарон Швартз, интернет активист и адвокат за отворено општество, ко-основач на Reddit и Creative Commons, ко-автор на првата верзија на RSS, после подолга борба со депресијата изврши самоубиство на свои 26 години.
Швартз во 2011 година беше уапсен поради преземање на 4 милиони академски објави од JSTOR (Journal Storage) и нивно бесплатно споделување преку p2p мрежите. Оптужен е за компјутерска измама, незаконско добивање на информациите од заштитен компјутер и нанесување на штета на заштитениот компјутер. Сепак, при крајот на минатата година, тужбата беше отфрлена и JSTOR своите магазини ги објави бесплатно.
На свои 14 години Швартз беше дел од тимот кој ја издаде првата верзија на RSS, а нешто подоцна ја стартуваше и компанијата Infogami, која подоцна стана Reddit. Исто така, беше и еден од ко-основачите на Demand Progress – онлајн група на активисти.
Во својата улога на активист, Швартз водеше битна со властите и законите против онлајн пиратеријата, подолу во видео можете да го погледнете и неговиот говор за SOPA (Stop Online Piracy Act).
[youtube]Fgh2dFngFsg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
