Минатиов викенд, на 22 и 23 декември, се одржа Vip Game Fest 2018, најголемиот гејминг настан за оваа година. Гејминг фестивалот се одржа во просториите на Vip и понуди вистинска забава за сите гејмери.
Во квалификациските натпревари се сретнаа 756 натпреварувачи во Fortnite, Hearthstone и FIFA19 како главни натпревари. Подоцна им се приклучија уште 260 натпреварувачи кои на лице место си ги измерија силите во Tekken 7, rFactor, Board games, Magic: The Gathering, редење сложувалки и местење Рубикова коцка, за на крајот да им се пруклучат и 26 косплеери кои се натпреваруваа преку креативно направени маски од херои и ликови.
Наградниот фонд за натпреварувачите изнесување 4.550 евра, а и публиката доби 400 подароци во форма на маици, привезоци, акциони фигури од игри, ранци, торби, маус пади, мауси и тастатури, power bank-ови, усб стикови и мемориски картици, книги, стрипови и ваучери.
Vip Game Fest 2018 го посетија преку 5000 посетители кои можеа да ги пробаат игрите, симулаторите и виртуелната реалност.
Сликите од настанот може да ги погледнете на Facebook страната на Vip.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
