LucasArts е една од најпознатите развивачки и издавачки куќи, особено во осумдесеттите и деведесеттите, кога гејмерите беа особено импресионирани од Monkey Island, Indiana Jones, Maniac Mansion или Star Wars.
ScummVM или Script Creation Utility for Maniac Mansion е систем кој првенствено беше развиен од LucasArts за потребите на Maniac Mansion и последователните графички авантури, неисклучувајќи ги Monkey Island игрите.
Со оглед на тоа дека многу време има поминато од таквите игри и повеќето се неигриви на денешните конфигурации, ScummVM емулаторот ви дозволува да се присетите на златните денови и одново да ги заиграте таквите авантури на модерни системи.
Најновата верзија на ScummVM воведува поддршка за уште 23 други игри, како хитовите од деведесеттите – Leisure Suit Larry, Gabriel Knight, Riven и Phantasmagoria. Покрај ова, најновата верзија ја подобрува и целокупната компатибилност.
ScummVM 2 е бесплатно парче софтвер кое само овозможува играње на старите игри и на вас се остава да најдете дигитална копија од игрите кои сакате да ги играте.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
