SC Ventures 
InPlayer 
Македонско-британската компанија InPlayer, која работи од Скопје веќе неколку години на своја платформа за монетизација на дигитални содржини, ќе добие инвестиција во износ од 500.000 фунти од фондот South Central Ventures.
InPlayer е стационирана во Скопје, каде што е и нејзиниот менаџмент тим составен од извршниот директор Џорџ Мик, оперативниот директор Ненад Чубриновски како и директорот за технологија Филип Димчевски, додека пак управниот одбор на компанијата е во Лондон.
Со тим од 35 вработени, компанијата раководи со платформа која помага во дистрибуција и монетизација на дигитални содржини. Корисници на платформата се компании како FilmBox, Massive Interactive, Pageant Media, Livestream, Ooyala, и JW Player.
Според официјалното соопштение на SC Ventures, InPlayer има над 1 милион активни претплатници на својата платформа, а во моментот активно работат со IMG и SportsRadar на развој на Video On Demand (VOD) решение за FilmBox.
Со оваа инвестиција се очекува до крајот на 2017, InPlayer да брои 50 вработени, а до крајот на 2018 дополнителни 50 вработувања. [Листа на отворени позиции во InPlayer]
Image Courtesy of SC Ventures
“InPlayer е воодушевен што ќе работи со SCV. Во моментов имаме тим од 35 вработени и очекуваме тоа двојно да се зголеми во текот на следните 12 месеци. SCV ќе овозможи InPlayer да го продолжи својот раст ширум светот. Македонија е клучна за иднината на нашиот бизнис и имаме среќа да ги привлечеме одличните таленти кои живеат тука”, вели Џорџ Мик, извршен директор на InPlayer.
Оваа инвестиција на SC Ventures е трета на територијата на Македонија, откако компанијата претходно инвестираше 100.000 US долари во Letz, и 500.000 US долари во уште еден македонско-британски стартап Cognism. Во своето портфолио SC Ventures има 9 компании.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] на South Central Ventures се вклучени 14 компании меѓу кои InPlayer, Agrivi, Bulb, Alchemy, Virtus Vita, TradeCore and Sentinel […]
[…] инвестицијата од 500.000 фунти во македонско-британскиот InPlayer, South Central Ventures ја […]