Blackberry го има Blackberry Messenger, Apple наскоро ќе го има iMessage, а Samsung оваа недела на IFA конференцијата во Берлин ќе го претстави својот сервис за инстант пораки, ChatON. Од октомври сите Samsung паметни телефони, вклучувајќи ги и обичните, не-паметни уреди, ќе бидат опремени со сервисот за инстант пораки. ChatON ќе биде достапен во повеќе од 120 држави и на 62 јазика.
ChatON ќе биде достапен за Android и за оперативниот систем на Samsung, Bada OS. Ќе биде достапен и за други мобилни платформи, вклучувајќи ги оперативните системи на Apple и Blackberry. Samsung исто така ќе лансира и веб клиент кој ќе им овозможи на корисниците да комуницираат преку PC. ChatON ќе овозможува комуникација еден на еден, групен чет, групно праќање пораки, како и споделување на слики, видеа, говорни пораки, и контакти.
Според корејската компанија, сервисот ќе биде достапен во две верзии, основна за обичните телефони, и посложена варијанта која ќе им овозможи на сопствениците на паметни телефони да коментираат на други профили, да испраќаат анимирани пораки, и да проверуваат колку често нивните пријатели го користат ChatON.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
