Корејскиот гигант Sasmsung е последната компанија која се вклучува во трката за производство на автономни возила. Компанијата веќе доби дозвола од властите во Јужна Кореја да започне со тестови на патиштата во оваа држава, пренесе TechCruch.
Компанијата својата технологија ќе започне да ја тестира со Hyundai возило кое ќе биде со соодветни модификации. Сензорите и камерата се изработени од Samsung, а компанијата ќе го изработи и софтверот за возилото. Засега е нејасно каква ќе биде улогата на возилото. Дали Samsung ќе произведува целосна технологија за автономни возила, или возилото треба да биде прототип кој ќе ги покаже можностите на компонентите на Samsung.
Hyundai од поодамна има дозвола за тестирање автономни возила. Компанијата е првиот производител кој тестира возила во Кореја. Секако како и за сите останати производители, а и во сите држави, за тестовите сепак ќе мора да има присутен возач. Човекот во возилото е за секој случај, доколку мора да се преземе контрола во возилото.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
