Galaxy Alpha е првиот телефон од Samsung кој нема да биде направен само од пластика. Дизајниран е да биде вистински конкурент на iPhone; со метална рамка, тенок 6,7 милиметри, со 4,7 инчен HD екран, 12 мегапиксели камера, процесор со четири јадра и Android KitKat. Samsung вели дека Alphа e „еволуцијата на дизајнот на Galaxy“, што може да значи само едно нешто – нема веќе high-end пластични уреди од јужнокорејскиот производител.
Но, пред да го пофалиме Samsung, треба да знаете дека Alpha има само метални рамки од страна, позадината останува пластика како кај S5. Освен рамката, друга разлика во дизајнот на Alpha e што аглите сега се пооштри, а телефонот изгледа почетвртаст и поелегантен, но и наликува малку на iPhone. Последново e лоша вест за Samsung кој е во постојани кавги со Apple за кој го копира кого. Според Samsung, кои велат дека развија „нов пристап кон дизајнот“, можно е Alpha и сите идни уреди да бидат изработени во различни бои по барање на корисникот, иако основните бои ќе си останат како до сега – црна, бела, златна и сина. Засега нема детали за цената, иако според перформансите Alpha би требало да е поевтин од Galaxy S5. Ќе дознаеме во септември.
[youtube]u8OZoyHvX78[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Првиот метален? Грешка сте … http://www.clickbd.com/global/classified/item_img…
Зборуваме за паметни телефони. Oва не знам што е. :)