Претставувањето на следното „големо нешто“, како што го најавуваат Samsung и Google, е одложено поради смртта на Стив Џобс. Иако двете компании Samsung и Apple се во судски војни за прекршување на патенти, 20 тужби во 10 различни земји кои можат да завршат со забрани на продажба на паметните телефони и таблет компјутери, Samsung се одлучи да ја му одадe признание на ко-основачот на Apple, Стив Џобс. Samsung исто така соработува со Apple, тие им произведуваат дел од компонентите за iOS уредите.
„Решивме дека не е право време да се најави нов продукт додека целиот свет му искажува почит на Стив Џобс.“, вели Samsung.
Samsung сè уште нема одредено кога ќе биде претставувањето на Google Nexus Prime паметниот телефон. Требаше да биде претставен на 11 октомври, но сите најави за Samsung Unpacked настанот беа тргнати откако г. Џобс почина на 6-ти октомври.
Новиот Prime ќе биде третиот Google Nexus телефон, и ќе биде првиот кој ќе работи на Android Ice Cream Sandwich. Овој оперативен систем ќе функционира и на паметни телефони кои работеа на Gingerbread верзијата и на таблет компјутерите кои се на Honeycomb, и ќе треба да ја намали фрагментацијата на Android пазарот, односно да овозможи исти услови за сите Android апликации на сите различни Android уреди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
не веруем. да не каснат, па ова им е само изговор?
во медиумите се спомна овој текст, стив џобс, од друг аспект. треба да се има пред вид.
te kompanija! em se tuzat, em ovie delovi im davat za apple neli da "se najdobri" i za pocit na coveko prezentacijata ja otkazaa! alal neka i e!