На IFA во Берлин, Samsung го претстави и најновиот претставник во Note серијата, Android 4.3 паметниот телефон Galaxy Note 3. Серијата е препознатлива по своите огромни димензии и хардвер, но и по користењето на S-Pen пенкалото кое отсега ќе има уште поголема функционалност.
Samsung изгледа ја пронајде совршената димензија со Note 2, па и на новиот телефон димензиите се со минимални измени. Новиот телефон е 3,8 милиметри потесен, 0,1 милиметар повисок и 1,3 милиметри потенок од прeтходникот, а 168 грама го прават 12 грама полесен од Note 2. Намалувањето на димензиите не се однесува на дисплејот кој пак е малку поголем. Истиот тренд со поголем екран, но исти димензии, го има и кај S3 и S4. Резолуцијата на Super AMOLED е 1080р и 386 ppi и е значително подобро од 300-те пиксели на инч со кој доаѓаа претходниците. Квалитетот на дисплејот е подобрен и во однос на осветлувањето и зголемувањето на аголот под кој сега може да се гледа екранот.
Хардверот на телефонот е исто така подобрен. Note 3 ќе има две верзии, основната ќе доаѓа со 2,3 GHz Snapdragon 800 процесор, а втората ќе доаѓа со осумјадрениот 1.9 GHz Exynos SoC процесор произведен од Samsung. Телефонот доаѓа со 3 GB RAM меморија и 32 и 64 GB слободен простор кој дополнително може да се прошири со microSDXC картичка. Камерите на телефонот се 13 и 2 MP, a задната камера може да снима UHD видео со HD резолуција и 30 fps. Телефонот има и IR LED, MHL 2.0, Bluetooth 2.0, WiFi 802.11 a/b/g/nac. Батеријата е 3.200 mAh и може да се промени, што е се поретко во време кога телефоните имаат интегрирана батерија.
Апликациите вообичаено доаѓаат од Google Play или Samsung Store, а со извлекување на S-Pen се вклучува Air Command, кој вклучува Action Memo, Scrapbook, Screen Write, S Finder и Pen Window. Scrapbook овозможува селектирање на делови од текст и дури и делови од веб страни кој можете да ги зачувате во апликацијата. S Finder овзможува пребарување по рачно напишаните забелешки, веб страни, слики, видеа и останати содржини кои сте ги зачувале на телефонот. Стандардно паметните телефони доаѓаат со поддршка за друштвените мрежи, а Nоте 3 има поддршка за речиси сите. Twitter, Facebook, Google+, Tumblr, Flickr се интегрирани со Flipboard.
Note 3 ќе биде помеѓу првите телефони кои ќе дојдат со Gear App Manager поддршка за паметниот часовник Galaxy Gear. Galaxy Note 3 ќе биде достапен од 25 септември заедно со Galaxy Gear. Како и Gear, и Note 3 во Македонија ќе биде достапен во 2014-та година.
[youtube]fLeSJd5-Xqw[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
