Минатата недела заедно со претставувањето на Note 10, Samsung го претстави и лаптопот Galaxy Book S.
Лаптопот доаѓа со 13,3-инчен екран на допир и тежи помалку од еден килограм (960 грама). Процесорот Snapdragon 8cx доаѓа од Qualcomm. Ова е првиот компјутер кој доаѓа со овој процесор па ќе биде интересно да видиме како ќе се покаже. Snapdragon 8cx е 7nm 64-битен процесор со работна фреквенција од 2,84 GHz; доаѓа со 8 GB DDR4 RAM и избор помеѓу 256 и 512 GB диск. Овој простор може да се прошири до 1TB си microSD картичка. Веројатно најимпресивен дел од лаптопот засега е батеријата со капацитет 42Wh. Според најавата Samsung Galaxy Book S може да работи и 23 часа помеѓу две полнења.
Лаптопот доаѓа со Windows 10 оперативен систем и тоа или Windows 10 Home или Windows 10 Pro.
Ако му веруваме на Samsung, лаптопот е со 40% побрз процесор и има 80% подобри графички перформанси од претходникот Book2.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
