Дали и Samsung ќе се вклучи во трката за автономни автомобили? Компанијата доби дозвола од властите во Калифорнија да започнe со тестови на возила, јави Reuters. Со ова трите најголеми компании поврзани со паметни возила, Google, Apple и Samsung, сега имаат дозвола за тестирање.
Од мај Samsung има дозвола да тестира сензори и софтвер во Јужна Кореја. Компанијата веќе тестира на домашните патеки, а сега можe да тестира и во САД.
Samsung ги тестира сензорите и останатиот хардвер кој го произведува за возилата. Неколку прилагодени Hyundai автомобили веќе возат со сензори и процесори од компанијата.
Засега е нејасно што точно планира Samsung со електричните возила. Компанијата секако е заинтересирана да понуди сензори и процесори. Но, дали има и поголеми амбции? Компанијата го разви својот оперативен систем Tizen кој засега е наменет за преносни уреди, но компанијата би можела да разгледува и поширока примена за оперативниот систем.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
