Samsung бара iPhone 4S да се забрани во Австралија и Јапонија

По барањето на забрана на продажбата на iPhone 4S во Италија и Франција, сега SAmsung побара забрана на телефонот на Apple и во Австралија и Јапонија.

„Apple продолжува да ни ги прекршува патентите и слободно да ја искористува нашата технологија. Нема да стоиме на страна и соодветно ќе си ја заштитиме интелектуалната сопственост”, вели Samsung.

Оваа битка меѓу Samsung и Apple, кои се тужат меѓусебно во десетина различни земји заради сличниот дизајн на уредите и патенти за мобилна технологија, трае веќе подолго време и во моментот, ако се спореди како да е натпревар, Apple води бидејќи Samsung Galaxy Tab 10.1 е забранет да се продава во Австралија заради копирање на дизајнот на iPad и прекршување на патенти. Samsung ќе поднесе жалба на таа одлука.

Samsung тогаш изјави дека ќе продолжи да ги брани своите интелектуални и авторски права. Можеби стратегијата е да се нападне Apple на што е можно повеќе фронтови и евентуално да се добие забрана за продажба на iPhone 4S. Можеби во ситуација во која и двете компании ќе бидат забранети во потенцијален пазар ќе ги натера да се смират и да се договорат да си плаќаат лиценци за прекршените патенти.