Сакате да останете без интернет во понеделник? Проверете да не сте заразени од DNSChanger

Доколку сте еден од тие кои при сурфањето на интернет се заразиле со DNS Changer, имате време до понеделник да го исчистите вашиот компјутер, или ќе останете без интернет пристап.

DNS Changer првпат се појави во 2007 година и сѐ уште инфицира илијадници и илијадници компјутери. Тројанецот ја променува DNS адресата на копјутерите да пренасочува на сервери кои се контролирани од криминалците чија цел е да прават пари од од лажни реклами. Иако FBI веќе ги има уапсено одговорните лица, злонамерниот софтвер продолжи да се шири преку другите компјутери и бројката на заразени компјутери денес изнесува околу 330.000. FBI планира да  ги изгаси серверите во понеделник.

За да проверите дали вашиот компјутер е инфициран, посетете го сајт dns-ok.us или DNSChanger Working Group. Доколку сте заразени, на истиот сајт ќе најдете алатки за отстранување.