Онлајн безбедноста е исклучително важна работа. Почнувајќи од најмалите, па сè до најстарите, загрозување на онлајн безбедноста знае да вроди многу лоши последици и секогаш е добро да сме правилно информирани со алатките кои ни се потребни за безбедна навигација низ онлајн светот.
Ризница од корисни совети
FOSI или Family Online Safety Institute (Институт за онлајн безбедност на семејството) e веб сајт за непрофитабилно меѓународно здружение кои се заложува за создавање онлајн свет кој е безбеден за целото семејство, и за младите и за старите.
На нивниот сајт ќе најдете бројни текстуални и видео материјали кои изобилуваат со корисни совети кои ќе ви помогнат на правилен начин да ги информирате децата за онлајн безбедноста и како да бидете добар дигитален родител така што ќе им дозволите на децата да учат, создаваат и комуницираат користејќи технологија. Независно од тоа дали сакате да им помогнете подобро да ги разберат направите, апликациите или игрите, FOSI ќе знае како да ве посоветува преку одделот со алатки и информативните видео епизоди кои можат да се најдат.
Листајќи го вебсајтот, ќе дознаете сè што треба да се знае за онлајн безбедност во поглед на гејминг, социјални мрежи, време кое се поминува на екран, како и што да знаете пред да им дозволите на најблиските да користат Roblox, Facebook, или Snapchat. Изобилство од корисни податоци, уредно поставени за комфортно читање!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
