Saints Row серијалот е еден од нашите омилени алтернативи на GTA игрите. Откачена акција која произлегува од целосно заобиколување на логиката и каризматични ликови кои се подеднакво интересни како и огромниот свет во кој сте фрлени. Saints Row е феноменален серијал, а тројката веќе подолго време како се истакнува како една од најдобрите игри направени од Volition.
За нешто повеќе од месец дена, ќе излезе римастер верзија на хитот од 2011 година, и тоа за PC, PlayStation 4 and Xbox One. Се работи за значителна графичка надградба, каде сите асети, особено светлосните и визуелните ефекти, се значително подобрени, поставувајќи го играчот во значително поверодостојна димензија.
За римастерот е задолжена компанијата Sperasoft, добро познати ветерани кои специјализираат на оваа поле. За Saints Row The Third, се имаат потрудено да вклучат целосно нови текстури на над 4000 асети. Римастер верзијата ќе се испорача со трите експанзии за играта, но и со сите DLC додатоци. Единствено нешто што не нѝ се допаѓа е цената. Оваа, одлична, но, сепак, стара игра ќе се продава од 21 мај по цена од 40 долари, што, некако, сметаме дека е премногу. Старата игра се продава со сите додатоци по нормална цена од 15 долари.
Во меѓувреме, Volition макотрпно работи на нова Saints Row игра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
