САД стравува од сајбер шпионажа поради безбедносен пропуст во рутерите на Juniper

Image courtesy of Juniper/Facebook

Најден е безбедносен пропуст во рутерите и останатата мрежна опрема на калифорниската Juniper Networks, што предизвика вознемиреност кај безбедносните експерти. Според CNN, властите во САД стравуваат дека пропустот им овозможил на хакери да ги шпиoнираат владините комуникации во период од три години. Споменатиот софтвер се наоѓа во ScreenOS кој се користи за надгледување на податоци кои влегуваат и излегуваат, најчесто кај поголемите компании. Во софтверот е вметната backdoor преку која е можен далечински пристап до рутерите.

Известувањето за можното пробивање доаѓа директно од Juniper Networks, иако без потврда дека некој навистина и го злоупотребил пропустот. Компанијата вели дека оној кој го напишал софтверот може да го користи за шпионирање на криптирани разговори. Засега нема податоци како и кој би можел да го вметне кодот, но од Juniper велат дека сите треба веднаш да го надградат софтверот на своите системи.

Но, американските власти веќе започнале истрага под сомневање дека зад безбедносниот пропуст стои друга држава. Нема информации за која е таа држава, иако вообичаено прстот е вперен кон Кина и Русија, вели CNN. Во моментот не е познато кои доверливи податоци можеби биле цел на напади, бидејќи уредите на Juniper се користат од голем број институции.

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments
trackback

[…] (NSA) знаела за безбедносниот пропуст во рутерите на Juniper, кој служел како backdoor за пристапување до мрежите на […]