Словакот Јурај Иван успеа за 24 часа да развие екстензија Facebook friends feed која ќе ви ги прикаже само постовите кои се важни за вас. Достапна за Chrome и Safari, eкстензијата ги отстранува постовите од брендовите кои Facebook ви ги наметнува, и ги прикажува само постовите од пријателите и страните кои ги следите.
„Што доколку можам да го направам Facebook како што беше пред една година? Место каде можам да видам што работат моите пријатели, да видам какви фотографии споделиле, линкови и смешни видеа од YouTube. Што ако можам да ги скријам сите постови кои не се директно од моите пријатели или страниците кои ги следам“, вели тој.
Мотивација за креирање на екстензијата, г. Иван вели дека било потрошеното време за пронаоѓање на постови од пријателите или брендовите кои му се важни, наместо да гледа куп реклами кои сè повеќе ја преплавуваат социјалната мрежа.
Екстензијата ги отстранува рекламите од тимот кога некој од пријателите ќе притисне „ми се допаѓа“ на страни на брендови, но и нивните коментари на страни на брендови или статии. Во пракса, Facebook friends feed ги отстранува постовите од брендовите, што според The Next Web, го „уништува бизнис моделот на Facebook“. Токму поради ова, прашање на време е кога Facebook ќе го спречи ова блокирање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Кои*