Ова понеделничко утро имаше активен фишинг напад под маска на Фондот за здраствено осигурување на Македонија (ФЗОМ). Лажната адреса која беше искористена за овој фишинг напад беше fzom.net, додека пак официјалната страница на ФЗОМ е fzom.org.mk.
Како и секој друг фишинг напад, целта на оваа страница беше да украде лични и финансиски податоците на граѓаните.
Во моментов на пишување на овој текст, страницата веќе беше недостапна, што покажува дека реакцијата за нејзино отстранување била брза.
Според овој принт скрин се гледа дека страницата била изгенерирана за брзо време. Односно, бил искористен хостинг софтверот Plesk.
Останува времето да покаже дали страницата ќе биде повторно активна во текот на денот или следните денови.
За ние да успееме да сме безбедни треба да бидеме подготвени и внимателни цело време. За напаѓачот да успее да украде одредени податоци треба да го направи тоа само еднаш.
Повеќе информации на LinkedIn објавата на Божидар Спировски.
Останете внимателни!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
