Серијалот MADO MONOGATARI, кој своите почетоци ги бележи во 80-тите и 90-тите години развиена од Compile за MSX и PC-98, се враќа на гејминг сцената со нов наслов. Познат до некаде по впечатливите ликови и механики на истражување зандани, овој серијал е, можеби, најпознат по тоа што од него произлезе puzzle играта Puyo Puyo. Најновиот додаток, MADO MONOGATARI: Fia and the Wondrous Academy, ветува враќање кон корените, но со модернизиран пристап што треба да ги привлече и новите и старите обожаватели. Сосема друго е прашањето за тоа колку успева во тоа.
Magic Academy
In MADO MONOGATARI: Fia and the Wondrous Academy, the narrative focus is on an ancient magic academy, an institution with a rich history, known as the place where the legendary Mage studied and graduated. Students come here with the dream of following in his footsteps. Among them is Fia, a girl who, after a long and arduous journey from her hometown, luckily manages to enroll in the academy. You follow her adventure as she faces school challenges, strict professors and mysterious events, all in order to become the future legendary wizard. Along the way, she will make new friends and explore the secrets of the academy with them.
Истражување, борба и училиштен живот
Управувајќи ја девојката, вашата задача е да истражувате динамично генерирани зандани. За разлика од претходните игри во серијалот, борбата се одвива во реално време, но со елементи на потезна стратегија. Во таквата перспектива ќе мора да ги користите магичните вештини на Фиа и да собирате елементарни топчиња кои ви помагаат да ослободувате моќни напади. Низ занданите, ќе се сретнете со познати непријатели од серијалот, како што се Puyo и Skeleton T, додека истовремено ќе управувате со инвентарот и статистиките на Фиа.
Напредокот на ликот е поврзан со Grimoire, книга во која се запишуваат отклучените вештини. Со завршување на задачи и мисии, вие заработувает поени за учење кои можат да ги искористат за отклучување нови магии и способности за Фиа.
Надвор од занданите, играта остава впечаток и на симулација на училиштен живот. Имено, Фиа може да го истражува училишниот кампус, да презема мини-игри од огласната табла, да комуницира со соучениците, да одгледува состојки и да готви кари за да добие предности во занданите. Во училишната остава, пак, можете да ги користите пронајдените предмети за да создавате нова опрема. Подобри рецепти за синтеза, пак, се отклучуваат преку Grimoire.
Шармантен, но едноставен свет
Визуелно, играта има живописен аниме стил. Ликовите се претставени со симпатични чиби модели за време на истражувањето на занданите и со детални портрети за време на дијалозите. Музиката е весела и лесна, со доминација на виолински мелодии кои го надополнуваат разиграниот тон на играта, а јапонската гласовна глума додава на автентичноста на ликовите. Сепак, одредени околини и дизајнот на чудовиштата можат да станат репетитивни, особено кога ќе се земе должината на целата приказна.
MADO MONOGATARI: Fia and the Wondrous Academy е игра која се труди да го комбинира шармот на класичните RPG игри со модерни елементи. Иако приказната и хуморот можеби нема да им се допаднат на сите, а механиките на играње на моменти се чинат премногу едноставни и репетитивни, играта нуди доволно содржина за да ги задржи играчите ангажирани. За љубителите на серијалот и за оние кои бараат лесна и забавна RPG авантура без преголем предизвик, оваа игра може да биде пријатно искуство. Сепак, доколку очекувате длабока приказна и комплексни механики шансите се дека би биле разочарани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
