Веќе традиционално, на секои две години правиме истражување преку кое ја мапираме македонската ИТ индустрија. Почнавме во 2019-та, повторивме во 2022-ра, и сега го отпочнуваме третото издание за 2024-та.
Истражувањето насловено “Мапирање на ИТ индустријата во Македонија” преку метод на анонимна анкета дава корисен фидбек за индустријата во земјава. Резултатите се споделуваат јавно – пример за истражувањето од 2022-ра во кое учествуваа повеќе од 2.000 ИТ професионалци, резултатите се споделени и достапни на овој линк.
Истражувањето дава добар пресек на движењата и трендовите во локалната ИТ индустрија, која иако се согласуваме дека не е далеку од глобалната ИТ сцена, сепак сметаме дека има свои специфики. За да го направиме истражувањето што е можно подобро, ни треба твојата помош преку пополнување на анонимна анкета која ќе ти одземе 5-10 минути!
Анкетата ќе ни помогне да дефинираме кои трендови, технологии, алатки, навики, работни позиции, квалификации, желби, проблеми и соодветно на тоа примања според сите тие класификации се присутни на пазарот. Истата е поделена на повеќе сектори и соодветно на избор на секторот во првиот чекор, ќе добиете листа на прашања од тој сектор.
ПРИКЛУЧИ СЕ ВО ИСТРАЖУВАЊЕТО
(анкетата ќе ти одземе 5-10 минути)
Процесот на прибирање на податоци за истражувањето го планираме да трае иницијално 4-5 недели, зависно од заинтересираноста и тоа колку луѓе ќе одговорат, а ако побрзо дојдеме до таргет бројката (~2.000+ испитаници) побрзо и ќе го комплетираме прибирањето и ќе се префрлиме во следната фаза – обработка (3-4 недели) и после тоа резултатите ќе ги презентираме јавно – бесплатно!
Истражувањето ќе има три клучни процеси:
- Прибирање на податоци
преку https://it.mk/mapiranje (преку промоција и покана до компании, групи и сл.) - Обработка на податоци
во соработка со Data Masters - Објавување на податоци
бесплатно на IT.mk
Податоците ќе бидат достапни и во RAW формат – бесплатно за академскиот сектор и индивидуалци кои ќе ветат дека нема да ги користат за комерцијални цели. А за комерцијално користење ќе има можност да се закупи комерцијална лиценца која ќе дава права за користење во такви цели без ограничувања. Исто како што правевме и изминатите години.
Она што е многу важно е дека истражувањето е АНОНИМНО бидејќи прашуваме и бројка за нето примања. Како алатка за прибирање на податоците ќе ја користиме Google Forms, а од сите вас бараме да играте фер-плеј и заедно да придонесеме кон податоци кои утре сите ќе може да ги користиме.
Како и изминатата година, партнери во истражувањето ни се Data Masters, консултантска компанија основана во 2018 година во Скопје специјализирана во областа на Data Science.
Ок, доста муабет, носи ме кон анкетата
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Netcetera 
Semos Group 
