Rockmelt е комплетно друштвен прелистувач, но иако има интересни можности и наменет за „хардкор“ друштвени корисници, сепак по претставувањето привлече само неколку стотина илјади корисници, што е малку споредено со другите прелистувачи. Но, сега можеби ја има заинтересираната друштвен мрежа со над 600 милиони корисници на своја страна.
„Нема сомнеж дека друштвеното е иднина на Вебот, со Facebook како неговото јадро. Има смисла друштвеното да се приклучи на навигацијата и пребарувањето како фундаментални можности на прелистувачот.“, вели ко-основачот на Rockmelt, Ерик Вишриа.
Rockmelt може да стане еден вид посебен Facebook клиент. Иако има интеграција и со други друштвени мрежи, сепак сега Rockmelt може лесно да се користи само за Facebook без потреба да се оди преку веб страна. Можеби Facebook е заинтересиран да започне партнерство со еден мал стартап со цел да се приклучи на неговите големи конкуренти Аpple и Google кои веќе имаат свои прелистувачи – Safari, односно Chrome, кои иако далеку зад Firefox и Internet Explorer, сепак имаат значаен удел на пазарот на прелистувачи, благодарени што се промовираат преку компаниските платформи. Промовирањето е и проблем за Rockmelt кој е независен стартап, а Facebook лесно може да си креира свој прелистувач, иако интересот и партнерството можеби значат дека ќе одат по полесниот пат и ќе го купат друштвениот прелистувач…
Но, тоа за сега е само претпоставка. И двете компании одбија да коментираат за идните планови, всушност рекоа дека имале супер техничка соработка и ништо повеќе. За сега.
